+13 °С
Болотло
Бөтә яңылыҡтар
Новости
15 Июнь 2020, 19:00
Беҙҙең табиптар Ҡарасәй-Черкес республикаһына юлланды
Башҡортостан табиптары коронавирус менән көрәштә ярайһы уҡ тәжрибә тупланы. Дөйөм көс менән беҙ был ҡурҡыныс инфекцияны еңеп киләбеҙ. Хәҙер сит өлкәләр беҙҙән ярҙам һорай башланы. Бөгөн Хөкүмәттә үткән оператив кәңәшмә ваҡытында Башҡортостан Башлығы Радий Хәбиров Ҡарасәй-Черкесск республикаһына табиптар бригадаһын ебәреү тураһында белдерҙе.
Бөгөн БДМУ клиникаһының 17 табибынан торған бригада Ҡарасәй-Черкес Республикаһында эш башлай. Әле унда 2 меңдән ашыу сирле теркәлгән, 10 кеше коронавирустан вафат булған. Төбәк башлығы Рәсәй һаулыҡ һаҡлау министрына ярҙам һорап мөрәжәғәт итте. Башҡортостан ситтә ҡалманы.
Табиптар менән бергә Кавказға шәхси һаҡланыу саралары һәм дезинфекция препараттары ла ебәрелде.
Башҡортостан табиптары коронавирус менән көрәштә ярайһы уҡ тәжрибә тупланы. Дөйөм көс менән беҙ был ҡурҡыныс инфекцияны еңеп киләбеҙ. Хәҙер сит өлкәләр беҙҙән ярҙам һорай башланы. Бөгөн Хөкүмәттә үткән оператив кәңәшмә ваҡытында Башҡортостан Башлығы Радий Хәбиров Ҡарасәй-Черкесск республикаһына табиптар бригадаһын ебәреү тураһында белдерҙе.
Аҙаҡ ул был турала социаль селтәрҙәрҙә лә яҙып сыҡты.
“Рәсәй Һаулыҡ һаҡлау министрлығы һорауы буйынса коронавирусҡа ҡаршы көрәш өсөн Ҡарасәй-Черкесск Республикаһына 17 табиптан торған бригада ебәрәбеҙ. Был беҙҙең инфекционистар, анестезиологтар, пульмонологтар, терапевтар, эпидемиологтар, улар COVID-госпиталь шарттарында ҡыҙыл зонала эшләйәсәк.
Шулай уҡ бөгөн унда гуманитар ярҙам менән йөк ебәрҙек (шәхси ярҙам саралары, битлектәр, дезинфекция саралары, медикаменттар).
Әлеге еңел булмаған хәлдә беҙ тәжрибә тупланыҡ һәм яңы хәүефкә ҡаршы торорға өйрәндек, шуға күрә туғандаш республикаға ихлас күңелдән ярҙам итәсәкбеҙ”, – тип яҙҙы ул.
ФОТО: Башинформ.
Читайте нас:
© "Ейәнсура таңдары" сайты, 2020-2024
Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.
Баш мөхәррир: Ә.М. Әйүпова.