Бөйөк Ватан һуғышында ҡатнашҡан яҡташтарыбыҙ тураһында онлайн-дәрестәр буласаҡ

Башҡортостан Республикаһының Милли музейы Хәтер һәм ҡайғы көнөндә “Хәтер. Музейҙар” республика мемориаль интернет-акцияһын үткәреү тураһында иғлан итә. 22 июндә үтәсәк сарала республиканың дәүләт һәм муниципаль музейҙары ҡатнашасаҡ.

“Хәтер. Музейҙар” акцияһы Башҡортостан ауылдарынан һәм ҡалаларынан Бөйөк Ватан һуғышында ҡатнашыусылар хаҡында иҫтәлекте мәңгеләштереүгә йүнәлтелгән. Музейҙар фронтовиктарҙың фондтарҙа һаҡланған хәтирәләре һәм хаттары нигеҙендә онлайн-дәрестәр әҙерләйәсәк.