Шаршамбыға урман янғындары һүндерелергә тейеш

Көндәрҙең ныҡ эҫе тороуы сәбәпле Башҡортостандың бер нисә районында урман янғыны сыҡты. Уларҙың күпселеге - Учалы, Белорет, Йылайыр һәм Бөрйән райондарында. Иң ҙур янғын Башҡортостан дәүләт ҡурсаулығында булды, унда 2018 гектар урманды ут ялмап алды.

2010 йылдан бирле шунса янғын булғаны юҡ ине. Янғындарҙы һүндереүҙә ике меңдән ашыу кеше ҡатнаша. Ҡотҡарыусылар араһында ирекмәндәр (шул иҫәптән күрше Силәбе өлкәһенән) эшләй.

Башҡортостандың урман хужалығы министры билдәләүенсә, шаршамбы, 22 июлгә, бөтә янғындар һүндерелергә тейеш.

Һис ҡасан да әлеге кеүек ямғыр көткәнебеҙ булмағандыр, моғайын. Фото - Башҡортостан дәүләт ҡурсаулығынан.