Өфө буйлап бушлай экскурсия

Башҡортостандың баш ҡалаһының тарихи һәм үҙенсәлекле урындары буйлап бушлай экскурсиялар башлана.

Беренсе экскурсия 29 июлдә үтәсәк.

Өфөлә йәйәү йөрөгәндән һуң, ҡалаға ҡарата бөтөнләй икенсе ҡараш барлыҡҡа килер, моғайын. Өфө – ул танылған артистарҙың, шағирҙарҙың, спортсыларҙың һәм башҡа ошо ҡалала тыуып үҫкән, исемдәре бар донъяға билдәлелек яулаған шәхестәрҙең тыуған төйәге. Земфира, Юрий Шевчук, Рудольф Нуриев кеүек билдәле яҡташтарыбыҙ йөрөгән урамдар буйлап сәйәхәт ҡылыу мөмкинлегенән файҙаланып ҡалығыҙ.

Экскурсиялар һәр аҙна һайын шаршамбы һәм йома көндәрендә көнөнә ике тапҡыр – 19:00 һәм 20:30 сәғ. башлана.

Мотлаҡ шарт бар: битлек кейергә һәм экскурсанттар араһында социаль аралыҡты һаҡларға кәрәк буласаҡ.

Осрашыу урыны – “Ҡунаҡһарай”ҙағы “TERRA BASHKIRIA” объекты. Был сарала теләгән һәр кем ҡатнаша ала. Экскурсияға яҙылыу өсөн terrabashkiria.ru: https://terrabashkiria.ru/open-bashkortastan/ufa/ сайтында теркәлергә кәрәк.

Төркөмдәрҙә кешеләр һаны 12-гә тиклем сикләнгән.

Әйткәндәй, был үҙенсәлекле экскурсияларҙы ошо комитет, Өфө ҡалаһы хакимиәте, “Баш ҡала” туристик фирмаһы ойоштора.

Фото: республиканың Туризм буйынса дәүләт комитеты