Мәғлүмәт өсөн 10 млн доллар

Өфөлә йәшәүселәргә ҡайһы бер кешеләргә Рәсәйҙең АҠШ-тағы һайлауҙарға ҡыҫылыуы тураһында мәғлүмәт биргән өсөн $10 млн тәҡдим иткән SMS-тар килгән, тип хәбәр итә “Башинформ”.

Хәбәрҙең скриншотын социаль селтәрҙәргә блогер Рәис Ғәбитов һалған. Бындай мәғлүмәттәр башҡа төбәктәрҙә лә булған, тип яҙа Meduza. Киң мәғлүмәт саралары мөрәжәғәттәре буйынса, АҠШ-тың Мәскәүҙәге һәм Екатеринбургтағы илселектәрендә был мәғлүмәтте раҫлағандар һәм SMS-тар быға тиклем Дональд Трамп иғлан иткән кампания сиктәрендә ебәрелеүен белдергәндәр.