Бөтә яңылыҡтар
Новости
7 Август 2020, 12:00

Радий Хәбиров: “Мәктәптәр, балалар баҡсалары, торлаҡ йорттар төҙөйбөҙ”

6 августа Башҡортостан Башлығы Радий Хәбиров Төҙөүселәр көнө алдынан дәүләт наградалары тапшырҙы.

6 августа Башҡортостан Башлығы Радий Хәбиров Төҙөүселәр көнө алдынан дәүләт наградалары тапшырҙы. Республиканың төҙөлөш комплексында эшләүсе 22 хеҙмәткәр һөнәри ҡаҙаныштары өсөн ордендар, почет грамоталары һәм маҡтаулы исемдәр менән билдәләнде.
“Мәктәптәр, балалар баҡсалары, торлаҡ йорттар төҙөйбөҙ, – тип яҙҙы Радий Хәбиров аҙаҡ үҙенең “Бәйләнештә”ге сәхифәһендә. – Вирустарға һәм тоторҡһоҙ иҡтисади хәл-торошҡа ҡарамаҫтан, беҙ бер көнгә лә туҡталманыҡ”. Башлыҡ бының өсөн төҙөлөш тармағы хеҙмәткәрҙәренә рәхмәт белдереп, Башҡортостандың торлаҡ төҙөлөшө буйынса Рәсәйҙең алдынғы биш төбәге иҫәбендә булыуын билдәләне. Былтырғы һан бәләкәй түгел – 2,4 млн квадрат метрға яҡын. Шулай уҡ үткән йылда 50 социаль объект сафҡа индерелгән.
Фото: glavarb.ru
Читайте нас в