Стелла урынын һайлау буйынса тауыш биреү бара

Өфөлә «Хеҙмәт ҡаһарманлығы ҡалаһы» стеллаһын ҡуйыу урынын һайлау буйынса онлайн-тауыш биреү башланды, тип хәбәр итте Башҡортостан ДТРК-һы. Мемориалды урынлаштырыу өсөн ике урын тәҡдим ителә. Уның беренсеһе Беренсе Май урамында Еңеү паркындағы Еңеү аллеяһы, икенсеһе – Ленин һәм Зәки Вәлиди урамдары киҫелешендә, парк алдындағы майҙансыҡ.

Өфөгә «Хеҙмәт ҡаһарманлығы һәм Даны ҡалаһы» тигән абруйлы исем бирелеүе шиғриәт һөйөүселәрҙе лә битараф ҡалдырманы. Баш ҡаланың беренсе май аллеяһында үткән шиғри флешмобта улар Өфөгә булған бөтә хис-тойғолары тураһында һөйләне. Ошо уҡ аллеяла Еңеү паркы ҡаршыһында «Хеҙмәт ҡаһарманлығы ҡалаһы» стеллаһы ла ҡалҡып сығыуы ихтимал.

Тауыш биреү онлайн рәүештә “Берҙәм Рәсәй” партияһының төбәк бүлексәһенең сайтында барасаҡ.

Фото: https://bashkortostan.er.ru/