Бөтә яңылыҡтар
Новости
18 Август 2020, 11:10

Табиптарыбыҙ Ҡырғыҙстандан ҡайтты

Кисә Өфөгә Ҡырғыҙстанда үҙҙәренең миссияһын тамамлаған табиптар әйләнеп ҡайтты.

Кисә Өфөгә Ҡырғыҙстанда үҙҙәренең миссияһын тамамлаған табиптар әйләнеп ҡайтты.
Беҙҙең табиптар был республикаға быйыл июль аҙағында юлланғайны. Унда 50 самаһы табип – эпидемиологтар һәм инфекционистар, COVID-19 сирен дауалау тәжрибәһе булған БДМУ-ның студенттары һәм ординаторҙары киткәйне.
15 августа Ҡырғыҙстан Президенты Сооронбай Жээнбеков табиптар бригадаһы етәксеһе, һаулыҡ һаҡлау министры урынбаҫары Евгений Кустов менән осрашты һәм беҙҙең белгестәргә барлыҡ эштәре өсөн ҙур рәхмәтен белдерҙе.
– Мин беҙҙең медицина хеҙмәткәрҙәре, беҙҙең медицина менән ғорурланам, – тине Радий Хәбиров. – Беҙ үҙебеҙ ҙә коронавирус буйынса еңел булмаған хәлдәбеҙ, тик беҙҙә барыһы ла тыныс һәм тотороҡло. Шуға күрә күршеләргә ярҙам итерлек көстәребеҙ бар.
Ирина Кононова хәбәр итеүенсә, Башҡортостан медицина учреждениеларына ярҙам йөҙөнән 740 миллион һум аҡса аласаҡ. Был туралағы ҡарарға Рәсәй Хөкүмәте Рәйесе Михаил Мишустин ҡул ҡуйған.
Был аҡсалар тотороҡло эште тәьмин итәсәк һәм медицина учреждениеларының сығымдарын ҡапларға ярҙам итәсәк. Рәсәй Хөкүмәтенән белдереүҙәренсә, коронавирус арҡаһында медицина ойошмаларында стационарҙарҙа дауалау һәм кисектерп булмай торған ярҙам күрһәтеү күләме күҙгә күренеп артты. Шул уҡ ваҡытта планға ярашлы ярҙам күрһәтеүҙе туҡтатып тороу сәбәпле, һаулыҡ һаҡлау учреждениелары килемдәре төштө, шуға күрә өҫтәмә финанслау талап ителгән. Аҡса Рәсәй Хөкүмәтенең резерв фондынан бүленәсәк.
Фото: sobkor02.ru
Читайте нас в