Республикала коронавирус йоҡтороусылар һаны 7,4 меңдән артты

Оператив штаб сайтындағы мәғлүмәттәр буйынса, республикала COVID-19 диагнозы ҡуйылған 7402 кеше иҫәпләнә. Был һан үткән тәүлек менән сағыштырғанда 35-кә артҡан.Шулай уҡ һуңғы 24 сәғәттә 63 кеше һауығып сығыуы тураһында мәғлүмәт бар. Һауығыусыларҙың дөйөм һаны – 6554. Коронавирустан үлеүселәр теркәлмәгән, пандемия осоронда был сирҙән бөтәһе 27 кеше вафат булған.