225 мең бала бушлай ашатыласаҡ

Башҡортостанда башланғыс кластарҙа уҡыусы 225 мең бала 1 сентябрҙан бушлай төшкө аш менән тәьмин ителә, тип хәбәр итә Башҡортостан ДТРК-һы.

Был турала республика етәксеһе Радий Хәбиров белдергән. Был маҡсатҡа ил бюджетынан – 778 миллион, республика бюджетынан 106 миллион һум аҡса бүленә. Башлыҡ белдереүенсә, Башҡортостанда күп балалы аҙ тәьмин ителгән ғаиләләрҙең балалары мәктәптә бушлай туҡланасаҡ. Һаулығы буйынса мөмкинлектәре сикләнгән балалар дәүләт иҫәбенә көнөнә ике тапҡыр йылы аш менән тәьмин ителәсәк.