31 август – Ветеринария хеҙмәткәрҙәре көнө

Хөрмәтле Ветеринария өлкәһе хеҙмәткәрҙәре һәм тармаҡ ветерандары! Һөнәри байрамығыҙ – Ветеринария хеҙмәткәрҙәре көнө уңайынан ысын күңелдән ҡотлауҙарҙы ҡабул итегеҙ!

Ветеринар профессияһы иң иçгелекле һәм гуманлы һөнәрҙәрҙең береһе булып тора. Был эшкә кешеләрҙе булмышы алып килә. «Медицина кешене дауалай, ә Ветеринария кешелекте һаҡлай», тип юҡҡа ғына әйтмәйҙәр. Үҙ хеҙмәтегеҙ менән һеҙ хайуандар һаулығын һаҡлауҙы тәьмин итәһегеҙ, продукция сифатын, уны эшкәртеү һәм һаҡлау ҡағиҙәләре үтәлешен контролләйһегеҙ, нәҡ һеҙ райондың биологик һәм аҙыҡ-түлек хәүефһеҙлеген, эпизоотик именлеген тәьмин итеүгә ҙур өлөш индерәһегеҙ.

Был еңел булмаған һөнәрҙе һайлаусыларға рәхмәт белдерәм. Барығыҙға ла именлек, бәхет, һаулыҡ, яҡшы кәйеф, емешле хеҙмәт һәм һөнәри эшмәкәрлегегеҙҙә уңыштар теләйем!