Республикала коронавирустан 35-се кеше вафат булды

Вафат булыусы Белорет ҡалаһынан 55 йәшлек ҡатын кеше. БР Һаулыҡ һаҡлау министрлығы мәғлүмәттәре буйынса ул шәкәр диабеты һәм ашҡаҙан аҫты биҙе липоматозы менән ауырыған.

Статистикаға ярашлы, төбәктә 22 сентябргә 8487 кешелә COVID-19 раҫланған, шуларҙың 35 – һуңғы тәүлектә. Бөгөн дауаханаларҙа 41 пациент дауаланыу үтә, өсәүһе ауыр хәлдә. 510 кеше өйҙә дауалана. Һуңғы тәүлектә 11 кеше һауыҡҡан, ә пандемия башланғандан алып ауырыуҙы еңеүселәр һаны – 7901.

Дауаханан тыш пневмония һуңғы тәүлектә Башҡортостандың 108 кешеһендә асыҡланған, 96 кеше һауыҡҡан.