Республикала һуңғы тәүлектә коронавирус йоҡтороуҙың 41 осрағы асыҡланған

Һуңғы тәүлектә Башҡортостанда коронавирус йоҡтороуҙың 41 осрағы теркәлгән, тип хәбәр иттеләр республика Һаулыҡ һаҡлау министрлығынан. Пандемия башланғандан алып төбәктә бөтәһе 8 831 сирле асыҡланған.Хәҙер яңы коронавирус инфекцияһын йоҡторған 63 пациент стационарҙа дауалана, уларҙың берәүһе – ауыр хәлдә. 606 кеше амбулатор шарттарҙа дауалана.Тәүлек эсендә 7 пациент һауыҡҡан, пандемия башланғандан алып йәмғеһе 8121 кеше дауахананан сығарылған. COVID-19 арҡаһында вафат булыуҙың яңы осраҡтары һуңғы көндә теркәлмәгән. Быға тиклем үлеүселәр һаны – 41 кеше.Һуңғы тәүлектә 133 кешегә дауахананан тыш пневмония диагнозы ҡуйылған, 72 пациент һауығып сыҡҡан.