81 йәшлек пенсионерка юғалып ҡалмаған

Оло йәштәгеләр көнөндә Белорет районының Инйәр ауылында урамда бер ир кеше 81 йәшлек әбейҙең сумкаһын тартып алмаҡсы булған. Әммә пенсионерка баҙап ҡалмаған – талаусыға таяғы менән бер нисә тапҡыр эләктергән һәм ярҙам һорап ҡысҡырған. Быны ишеткән кешеләр улар янына йүгереп килеп, талаусыны тотҡандар һәм полиция саҡырғандар.

Әбейҙең сумкаһында бер мең һум аҡса булған. Ҡулға алынған 34 йәшлек ир быға тиклем талау өсөн хөкөм ителгән булған.