Көҙгө уңыш

Быйыл Башҡорт Үргене мәктәбе уҡытыусылары һәм хеҙмәткәрҙәре тарафынан мәктәп баҡсаһында бик күп эштәр башҡарылған. Һөҙөмтәлә баҡсанан 500 кг кишер, 400 кг сөгөлдөр, 100 кг ҡабачки, 150 кг помидор, 170 кг ҡыяр йыйып алынған. Шулай уҡ, һарымһаҡ, һуған, ҡартуф, фасоль һәм башҡа йәшелсәләрҙең, тәмләткес үләндәрҙең уңышы мул булған. Баҡсала биология буйынса тәжрибә мөйөшө булдырылған. Тырышлыҡтары бушҡа китмәй, вәғәҙә иткәнсә, көҙгө йәрминкәлә ошо уңыштың бер өлөшөн һатып, үҙҙәре лә һәм һатып алыусылар ҙа ҡыуанды.