COVID-19 йоҡторғандарҙың дөйөм һаны 9 467-гә еткән

Башҡортостанда тәүлек эсендә коронавирус йоҡтороуҙың 65 яңы осрағы асыҡланған, тип хәбәр итте республиканың һаулыҡ һаҡлау министрлығы.Шулай итеп, 14 октябргә мәғлүмәттәр буйынса, республикала COVID-19 йоҡторғандарҙың дөйөм һаны 9 467-гә еткән.Әле 925 кеше дауалана. Стационарҙа – 110 пациент, 815-е сирҙе еңел формала үткәрә һәм өй шарттарында дауалана.Ауырығандарҙың тиҙерәк аяҡҡа баҫыуын, ҡалғандарҙың һаҡланыу сараларын теүәл үтәүен теләп ҡалабыҙ! Һаҡланғанды һаҡлармын тигән бит.