-28 °С
Болотло
Бөтә яңылыҡтар
Новости
19 Октябрь 2020, 18:00
Коронавирусҡа ҡаршы яңы ысулдар иғлан ителде
Уҙған тәүлектә Башҡортостанда йәнә 68 кешелә COVID-19 асыҡланған, тип хәбәр итте республиканың һаулыҡ һаҡлау министры Максим Забелин Башҡортостан Республикаһы Хөкүмәтендәге оператив кәңәшмәлә.Пандемия башланғандан алып республикала яңы коронавирус инфекцияһын йоҡтороуҙың 9 809 осрағы раҫланған.Әле 125 кеше стационарҙа дауалана. Үткән аҙнала 320 кеше һауығып сыҡҡан.Пандемияға бәйле индерелгән саралар тураһында сайтта уҡығыҙ
Уҙған тәүлектә Башҡортостанда йәнә 68 кешелә COVID-19 асыҡланған, тип хәбәр итте республиканың һаулыҡ һаҡлау министры Максим Забелин Башҡортостан Республикаһы Хөкүмәтендәге оператив кәңәшмәлә.
Пандемия башланғандан алып республикала яңы коронавирус инфекцияһын йоҡтороуҙың 9 809 осрағы раҫланған.
Әле 125 кеше стационарҙа дауалана. Үткән аҙнала 320 кеше һауығып сыҡҡан.
«Үлем кимәле элеккесә ҡала — 0,5 %. Уҙған аҙнала бер үлем осрағы теркәлде. Сирләү кимәле 100 мең кешегә 242 тәшкил итә», — тип билдәләне һаулыҡ һаҡлау министры.
Башҡорт дәүләт медицина университетының өлкән курс студенттарын һәм студент-ординаторҙарҙы өйҙә коронавирустан дауаланған сирлеләргә медицина ярҙамы күрһәтеү өсөн поликлиникаларға эшкә ебәрәләр.
Был турала бөгөн Хөкүмәттәге оператив кәңәшмәлә республика етәксеһе Радий Хәбиров әйтте.
Уның һүҙҙәренсә, мөмкин тиклем күберәк пациенттарҙы стационарҙан өйҙә дауаланыуға күсереү өсөн амбулатор звеноның эшен көсәйтергә кәрәк.
«Бик күптәр Өфө дауаханаларында дауаланырға теләй. Һаулыҡ һаҡлау министрлығының дауаханаға һалыуға һәм сығарыуға күрһәткестәре булған аныҡ протоколдары бар. Ошоларҙың барыһын да иҫәпкә алып, баш табиптарҙан һәм Һаулыҡ һаҡлау министрлығынан эште түбәндәгесә ойоштороуҙарын һорайым: пациент бер аҙ ятып дауаланғас, уны амбулатор дауаланыуға күсерегеҙ. Койкалар әлегегә ҡарағанда һөҙөмтәлерәк эшләргә тейеш, ләкин бының өсөн амбулатория эшен яйға һалырға кәрәк, шуға терапевтарға ярҙамға БДМУ студенттарын ебәрәбеҙ», — тине ул.
Тәү сиратта, улар поликлиника терапевтарына коронавирус менән ауырыған амбулатор пациенттарҙы күҙәтергә ярҙам итергә тейеш.
«Башинформ»ға медицина университетынан хәбәр итеүҙәренсә, поликлиникаларға эшкә 285 ординатор ебәрелә, 600 ординатор республика медицина учреждениеларында эшләй башлаған да инде.
Республикала шәкәр диабеты һәм йөрәк-ҡан тамырҙары ауырыуҙарынан яфаланғандар өсөн махсус режим индереүҙәре мөмкин. Республика Башлығы Радий Хәбиров ошондай диагнозы булған кешеләрҙең яңы коронавирус инфекцияһынан вафат булыу осраҡтарының йышайыуына борсолоуын белдерҙе.
«Беҙҙә хроник сирҙәрҙән яфаланғандар COVID-19-ҙы ауыр үткәрә. Шәкәр диабеты менән ауырығандар, ҡыҙғанысҡа ҡаршы, шунда уҡ бер аяғы менән теге донъяға баҫа», — тине Башҡортостан Башлығы.
Радий Хәбиров хөкүмәткә хроник сирлеләргә махсус режим индереү тураһында уйларға ҡушты. Атап әйткәндә, диабет менән ауырығандарҙы үҙизоляция режимын үтәүен тикшерергә мөмкиндәр.
Яҙ көнө Башҡортостанда хроник сирле граждандар өсөн ошондай сикләү сараһы ғәмәлгә индерелгәйне. Радий Хәбиров һүҙҙәренсә, был тәжрибәне дауам итергә кәрәк.
Буласаҡ əсəйҙəрҙе ситтəн тороп эшлəүгə күсерергə
Башҡортостан Башлығы Радий Хəбиров ошондай ҡарар ҡабул итте. Ҡарарға ярашлы, республика предприятиелары һəм идаралыҡтары йөклө ҡатындарҙы дистанцион эш тəртибенə күсерергə бурыслы.
"Барлыҡ йөклө ҡатындарҙы ситтəн тороп эшлəүгə күсереүегеҙҙе һорайым. Ҡайһы бер эш биреүселəрҙəн талап итергə хоҡуғым юҡ, кəңəш тип ҡабул итһендəр", - тирне Радий Хәбиров.
Башҡортостан Башлығы Радий Хəбиров ошондай ҡарар ҡабул итте. Ҡарарға ярашлы, республика предприятиелары һəм идаралыҡтары йөклө ҡатындарҙы дистанцион эш тəртибенə күсерергə бурыслы.
"Барлыҡ йөклө ҡатындарҙы ситтəн тороп эшлəүгə күсереүегеҙҙе һорайым. Ҡайһы бер эш биреүселəрҙəн талап итергə хоҡуғым юҡ, кəңəш тип ҡабул итһендəр", - тирне Радий Хәбиров.
Читайте нас в
© "Ейәнсура таңдары" сайты, 2020
Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.
Баш мөхәррир: Ә.М. Әйүпова.