Йыл башынан Башҡортостандың туҡланыу тауарҙары етештереүселәре һәм ауыл хужалығы продкуцияһы эшкәртеүселәре Рәсәй, Евросоюз, Көньяҡ-Көнсығыш Азия һәм элекке СССР илдәре ҡулланыусыларына 500 мең тоннанан күберәк аҙыҡ-түлек продукцияһы оҙатҡан.
Бөтәһе 28 илгә 172 мең тонна йәшелсә, ярма, картуф, сөгөлдөр, он, нут, көнбағыш һәм көнбағыш майы, горчица, борсаҡ экспортланған.
Россельхознадзорҙың Башҡортостан референт үҙәгендә белдереүҙәренсә, аҙыҡ-түлек продукцияһының бөтә партиялары лабораторияларҙа тикшерелгән. Республика етештереүселәренең ауыл хужалығы продукцияһы Рәсәйҙең техник регламенттарына һәм дәүләт стандарттарына, импортер илдәрҙең талаптарына яуап бирә.