COVID-19 ҡорбандары һаны тағы берәүгә артты

Республиканың Һаулыҡ һаҡлау министрлығы мәғлүмәте буйынса, Башҡортостанда тағы бер пациент коронавирустан вафат булған. Хәҙер Башҡортостанда коронавирус ҡорбандары – 51 кеше. Вафат булыусы Нефтекама ҡалаһынан 1957 йылғы ҡатын. Башҡортостанда COVID-19 йоҡтороусылар көндән-көн күбәйә. 27 октябрҙән 28-енә республикала тағы 86 кеше ауырып киткән. Пандемия башланғандан алып йәмғеһе 10 501 осраҡ асыҡланған.

Әлеге ваҡытта 963 кеше ошо сирҙән дауалана: 195-е – стационарҙа табиптар күҙәтеүендә, 768-е — өйҙә.