Башҡортостан сигендә ҡош-ҡорт киҙеүенә бәйле контроль көсәйтелде

Татарстандың һәм Силәбе өлкәһенең Башҡортостанға сиктәш зоналарында ҡош-ҡорт киҙеүе таралыуы теркәлгән. Ошоға бәйле Салауат районында һәм республиканың төньяҡ-көнсығышында ҡош-ҡорт менән сауҙа итеүгә ветеринар контроль көсәйтелгән.

Хәҙер ҡошсолоҡ продукцияһын һатыуға мониторинг алып барыла, тере ҡош-ҡортто санкцияһыҙ һатыу иҫкәртелә. Халыҡҡа ҡош-ҡорттарын һыу ятҡылыҡтарында ирекле йөрөтөүҙе сикләргә һәм ихаталарында тоторға, шулай уҡ һуйыу өсөн аҫыралған ҡош-ҡорттарҙы ҡар яуыуын көтмәй, ноябрҙең икенсе декадаһында һуйырға тәҡдим ителә.