+12 °С
Ямғыр
Бөтә яңылыҡтар
Новости
7 Ноябрь 2020, 15:57
Бикҡужа ауылы
Бикҡужа ауылында элекке нигеҙҙәр тергеҙелерме?Был ауыл зауыҡлы биләмәләр йылы сиктәрендә үткәрелгән “Ейәнсура районының иң төҙөк ауылы” бәйгеһендә ҡатнашты. Ауыл ыҡсым ғына... Ауылға ингән ергә, юл буйлатып, “Йәшел Башҡортостан” акцияһы сиктәрендә ағас үҫентеләре ултыртылған. Ны матур итеп кәртәләп, аҡ, күк, ҡыҙыл төҫкә буяп ҡуйғандар. Ауылда 35 йорт, шуның 17-дә йәшәйҙәр. Шулай итеп ике йәштән башлап туҡһанды үткән йәш арауығындағы 109 кеше пропискала тора. Бикҡужа ауылы быйыл үҙенең 225 йыллыҡ юбилейын билдәләгән булыр ине,
тик пандемия булыу сәбәпле сара үткәрелмәй, шулай ҙа “үлгәндәрҙең ҡәберен бел” тип бикҡужалар ата-бабалары ятҡан ҡәберлекте кәртәләп тәртипкә килтергән. Шулай уҡ Бөйөк Еңеүҙең 75 йыллығы уңайынан һуғыш яландарында ятып ҡалған һәм яуҙан иҫән ҡайтып та бөгөнгө көндә мәрхүм булған ауылдаштары иҫтәлегенә матур итеп обелиск эшләп ҡуйғандар. Төҙөк, күркәм йорттар етерлек, тик шулар араһында ташландыҡтарының йылдан-йыл күбәйеүе күңелде ҡыра. Йәшәлгән йорттарға ҡарағанға йәшәлмәгәндәре күберәк һәм уларҙың хужалары булып та, пропискала тороп та, ихаталарын ҡый үләндәре баҫыуы, ауыл өсөн ҡурҡыныс менән янай. Бындай ташландыҡ йорттар бер Бикҡужа ауылында ғынамы? Һеҙҙең ауылда хужалары булып та ҡаралмаған, йәки бөтөнләй хужаһыҙ йорттар бармы? Ҡаралмаған, сүп үләндәренә күмелеп, кәртәләүҙәре емерелеп бөткән, ҡыйығындығы шифрҙары ҡойолоп, тәҙрәләре ватылған йорттар һеҙҙең күңелегеҙҙә ниндәй тәьҫораттар ҡалдыра? Ташландыҡ йорт-ҡураларҙы күргәс, һеҙҙә ниндәй уй-фекрҙәр тыуа? Бәлки, әйтер һүҙең барҙыр?
Гөлшат Имелбаева. Автор фотолары.
Читайте нас:
© "Ейәнсура таңдары" сайты, 2020-2024
Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. ПИ ТУ02-01355-се һанлы теркәү тураһында таныҡлыҡ 2015 йылдың 10 июлендә бирелгән.
Баш мөхәррир: Ә.М. Әйүпова.