“Һылыуҡай-2020” конкурсы еңеүсеһе билдәле булды

Өфөлә “Һылыуҡай”-2020” Бөтә Рәсәй башҡорт һылыуҙары конкурсы тамамланды, тип хәбәр итә “Башинформ”. Иң сибәр ҡыҙ тажына һәм “Лада” автомобиленә Учалы районынан 19 йәшлек Ләйсән Шөғәйепова лайыҡ булды. Уға призды Башҡортостан Республикаһы хөкүмәте премьер-министры Андрей Назаров тапшырҙы.

Беренсе урын Сибай ҡалаһынан 10-сы класс уҡыусыһы Шәүрә Яхинаға бирелде. Пермь крайынан Гүзәл Назарғолова менән Ырымбур өлкәһенән Линиза Солтанғужина 2-се урынды яуланылар. Мәләүездән Дилә Вәлиева һәм Бөрйән районынан Эльвина Семенова 3-сө урынды бүлештеләр.

Киң күләмле конкурстың финалында Башҡортостандан, Силәбе, Свердловск, Ырымбур, Һамар, Һарытау, Ленинград, Мәскәү өлкәләренән, Пермь крайынан, Татарстандан һәм Ханты-Манси автономиялы округынан 16-25 йәшлек 20 ҡыҙ ҡатнашты.