Бауырға көс төшһә...

Антибиотиктар ҡабул иткəндəн һуң бауыр көсөргəнеш кисерə.

Дарыуҙар ҡабул иткəндəн һуң был орган токсиндарҙан таҙарһын, күҙəнəктəре яңырһын өсөн нимə эшлəргə? Ниндəй йəшелсəемештəр ашарға була?

Табиптар бауырҙы һаҡлаусы аҙыҡтарҙың исемлеген төҙөгəн. Иң файҙалылары – брокколи кəбеҫтəһе һəм сəтлəүек.
Исемлекте артабан алма, цитрустар, авокадо, зəйтүн майы, помидор дауам итə. Был аҙыҡтарҙың барыһында ла бауыр өсөн файҙалы элементтар бар. Кəбеҫтəлə антиоксиданттар һəм Е витамины, сəтлəүектə – омега-3 май кислотаһы, алмала пектин, цитруслы емештəрҙə С витамины булһа, авокадо еңел үҙлəштерелеүсе майҙарға һəм витаминдарға бай, ə зəйтүн майыорганизмды токсиндарҙан таҙартыу һəлəтенə эйə. Помидор – аминокислоталар хазинаһы.

Фото: okzdorovye.ru
"Йәшлек"тән.