Киләһе йылдан өс йәштән ете йәшкә тиклемге балаларға пособие 10 мең һум тирәһе буласаҡ

2021 йылдан республикала өс йәштән ете йәшкә тиклемге балалар өсөн түләү схемаһы үҙгәрәсәк. “Башҡортостан” гәзите сайты хәбәр итеүенсә, 1 ғинуарҙан был категорияға ҡараған ғаиләләр пособиены арттырылған күләмдә аласаҡ. Был хаҡта Ғаилә, хеҙмәт һәм халыҡты социаль яҡлау министрлығы етәксеһе Ленара Иванова белдергән.

Арттырылған күләмдәге пособиены йән башына тура килгән уртаса килемдәре йәшәү минимумынан түбән булған ғаиләләр аласаҡ. Министр Business FM радиостанцияһы эфирында әлеге көндә аҙ килемле ғаиләләргә йәшәү минимумының яртыһын (биш мең һум тирәһе) түләүҙәре, ә киләһе йылдан пособие күләменең йәшәү минимумына ярашлы (10 мең һум тирәһе) буласағын белдерҙе.