Радий Хəбировҡа матбуғат конференцияһында бирелгəн
һорауҙарҙың береһе республиканы медицина хеҙмəткəрҙəре
менəн тəьмин итеүгə бəйле булды.
Башлыҡтың яуабы түбəндəгесə:
- Беҙ ике йыл элек үк табиптар етмəүе проблемаһы менəн
шөғөллəнə башланыҡ. 2019 йылда иһə тармаҡҡа 580 белгес килде,
йылды шулай тамамланыҡ. Мин 2018 йыл аҙағында, 19-ҙың
башында райондарға йөрөгəндə, дауаханаламы, ФАП-тамы
етешһеҙлектəрҙе, емереклектəрҙе күреп, хакимиəт башлыҡтарын
əрлəнем, оят түгелме, тип һораным. Юҡ, тиеүселəр ҙə булды.
Сөнки был уларҙың вəкəлəте түгел, имеш. Система шулай ҡоролған
ине – башлыҡ шөғөллəнмəгəн. Минең принциптарым икенсе
төрлө. Ə муниципалитеттарҙа нимə бар, шуға урындағы хакимиəт
башлығы яуаплы. Башлыҡ һаулыҡ һаҡлау өсөн дə яуаплы. Беҙ был
йəһəттəн тəртип урынлаштыра башланыҡ. Хакимиəт башлығы
шөғөллəнгəн ерҙə табиптар проблемаһы хəл ителə. Хет нишлə: үҙең
өйлəн, өйлəндер йə кейəүгə бир, саҡыр, йорт төҙөп бир, ер бир,
балалар баҡсаһы менəн тəьмин ит. Табиптарҙы урындағы етəкселек
эҙлəргə тейеш.
Фото: vk.com