Ҡорбандар өҫтәлеп кенә тора

Башҡортостанда COVID-19-ҙан үлеүселәр һаны 149 кешегә етте.

Һуңғы тәүлектә яңы коронавирус инфекцияһынан тағы ике үлем осрағы теркәлгән.

Республикала бөтәһе 19 910 кеше коронавирус менән ауырыған. Хәҙерге ваҡытта республика стационарҙарында 749 кеше дауалана, уларҙың 51е - ауыр хәлдә, 11е - ИВЛ-да. Тәүлек эсендә 87 кеше һауыҡҡан.

"Дауахананан тыш пневмония" диагнозы һуңғы тәүлектә 254 кешегә ҡуйылған, ә 208 кеше унан һауығып сыҡҡан.