Башҡортостан депутаттары иҫерек водителдәрҙең автомобилен тартып алырға тәҡдим итте

Башҡортостан Республикаһы Дәүләт Йыйылышында юл-транспорт ваҡиғаһы яһаған иҫерек водителдәрҙең транспортын тартып алырға тәҡдим иттеләр, тип хәбәр итте bash.news. Парламентарийҙар бындай инициатива менән РФ Дәүләт Думаһына мөрәжәғәт иткән.

Документ авторҙары фекеренсә, бындай закон юлдарҙа иҫерек водителдәр арҡаһында булған үлем осраҡтарына бәйле хәл-торошто үҙгәртә аласаҡ. Иҫерек водитель ауыр эҙемтәләргә килтергән аварияла ғәйепле булһа, йәки икенсе тапҡыр иҫерек килеш руль артына ултырып, эләкһә, машинаһын тартып алырға тәҡдим ителә.