Милли аш-һыу әҙерләргә яратһағыҙ...

“Акция туҡланыу, ҡаҙаныштарҙы, алдынғы тәжрибәне күрһәтеү өсөн уҙғарыла. Уға теләге булған һәр кем ҡушыла ала. Бының өсөн социаль селтәрҙә #БлюдоНовогоднегоСтола хэштэгы менән яратҡан Яңы йыл аш-һыуы рецебын ҡуйырға кәрәк”, – тип аңлатты Башҡортостандың сауҙа һәм хеҙмәттәр министры Алексей Гусев.

Яңы йыл флешмобында Өфөләге билдәле ресторандарҙың шеф-ашнаҡсылары ла ҡатнаша. Көн буйы улар социаль селтәрҙәге сәхифәһендә яратҡан блюдоларын ҡуясаҡ. Һеҙ ҙә милли аш-һыу әҙерләргә яратһағыҙ, ошо сарала ҡатнашығыҙ.

Әйткәндәй, милли аш-һыуҙарыбыҙ – милли мәҙәниәтебеҙҙең ҙур тарихи юл үткән, киң танылыу яулаған өлөшө ул. Этнографтар ҙа һәр халыҡты өйрәнгәндә уның кухняһынан башлай, сөнки унда үткәнебеҙ, көнкүрешебеҙ һәм башҡа сифаттарыбыҙ, рухи ҡиммәттәребеҙ сағыла. Ә уларҙы һаҡлау, киләһе быуындарға тапшырыу – Рәсәй Президенты Владимир Путиндың май указдары нигеҙендә барлыҡҡа килгән “Мәҙәниәт” милли проектының төп маҡсаттарының береһе.

#национальныепроекты; #нацпроекты; #региональныепроекты;
#регпроекты; #нацпроектыБашкортостан;