Өй шарттарында крекер бешереү

Cырҙан крекерҙар әҙерләгәнегеҙ бармы?

Бының өсөн 100 грамм сыр, 100 грамм он, ике аш ҡалағы һыуыҡ һыу, 70 грамм аҡ май, тоҙ кәрәк. Әгәрҙә теләһәгеҙ йәшеллек, ҡыҙыл борос ҡушырға мөмкин.

Башта сырҙы ваҡ ҡырғыс аша үткәреп он, ҡаты май менән бергә әүәләйбеҙ. Бер аш ҡалағы һыу ҡушып ебәрергә мөмкин. Бер сәғәткә һыуытҡысҡа ҡуябыҙ.

Шунан ҡамырҙы йәйеп өлөштәргә киҫәбеҙ. Ҡамырҙы тишектәр эшләйбеҙ. Мейесте 200 градусҡа тиклем йылытып 8-10 минут тирәһе бешерәбеҙ. Өҫтәлгә һыуыҡ килеш бирәбеҙ.

Ашығыҙ тәмле булһын!

"Башҡортостан" гәзитенән.