Өфө – Ырымбур трассаһында транспорт хәрәкәте сикләнде

Башҡортостанда Р-240Өфө – Ырымбур трассаһында ауыр йөк ташыған машиналар, такси һәм маршруткалар хәрәкәте сикләнде.

“Башинформ” хәбәр итеүенсә, 2 февралдә иртәнге сәғәт 10-дан автомобиль юлының 1194 саҡрымынан 1548 саҡрымына тиклем ауыр йөк ташыған машиналар, такси һәм маршруткалар хәрәкәте сикләнде. «Урал буйы» юл идаралығы мәғлүмәттәре буйынса, сикләү урындағы ваҡыт буйынса киске сәғәт 6-ға тиклем ғәмәлдә, оҙайтылыуы ла ихтимал.

Ошондай сикләү индереүгә һауа торошо – ҡар яуыуы һәм боҙлауыҡ сәбәпсе булды.

«Башинформ» агентлығы хәбәр иткәнсә, ҡар яуғанлыҡтан, Өфөгә йөк транспортына инеү тыйылды.