#Ғаилә Иҙәштә - Берҙәм консультация көнө

Кисә, 4 февралдә "Айыҡ ауыл" проекты сиктәрендә республика конкурсында ҡатнашыусы Иҙәш ауылында "Берҙәм ғаилә консультациялары көнө" үтте.

Акция барышында табип-нарколог Р.Р. Сарбаев, Ғаилә хеҙмәте етәксеһе Ф.Ф. Бирҙеғолов, юрисконсульт З.Г. Ғәбделмәнова, опека һәм попечителлек советы секторы мөдире Л.Ә. Исламова, мәғариф бүлегенең әйҙәүсе белгесе Б.Ф. Ҡансурин халыҡҡа бушлай консультация бирҙе. Төрлө һорауҙар менән мөрәжәғәт иттеләр: алимент юллау, торлаҡ шарттарын яҡшыртыу, өлкән йәштәге гражандар өсөн ҡиәмәтлек ғаилә булдырыу, баланы уллыҡҡа алыу, йортҡа документ юллау, медицина хеҙмәте күрһәтеү, мәғариф учреждениелары тарафынан саңғылар менән тәьмин ителеү, әсә пенсиға сығыу сәбәпле, инвалид бала ҡараған өсөн пенсияны икенсе кешегә күсереү, ата-әсә ҡарауынан мәхрүм ҡалған балаға торлаҡ юллау өсөн уны иҫәпкә ҡуйыу... Мөрәжәғәт итеүселәр бөтә ҡыҙыҡһындырған һорауҙар буйынса ла төплө яуаптар, консультация-тәҡдимдәр алды.