Башҡортостандың стоматология хеҙмәте илдә иң яҡшыһы

Башҡортостандың Һаулыҡ һаҡлау министрлығы хәбәр итеүенсә, республиканың стоматология хеҙмәте Рәсәйҙә иң яҡшыһы, тип танылған.Ведомство мәғлүмәттәре буйынса, 2019-2020 йылдарҙа стоматология хеҙмәтен үҫтереүгә республика бюджетынан 116,5 млн һум аҡса йүнәлтелгән.Был йылдарҙа төбәк ҡалаларының һәм райондарының медицина ойошмалары дүрт һанлы ортопантомограф, бер радиовизиография аппрпты, 54 аутофлуоресцент стоматоскопия аппараты, 170 заманса стоматоллгия ҡоролмаһы һәм шулай уҡ компьютер томографы алған.Хәҙерге ваҡытта, ҡатмарлы эпидемиологик хәлгә ҡарамаҫтан, республика стоматологтары медицина ярҙамы күрһәтеүен дауам итә.