Башҡортостанда “Бала тап” проекты старт алды

Проектты “Башҡортостан әсәйҙәре” ойошмаһы БР Ғаилә, хеҙмәт һәм халыҡты социаль яҡлау министрлығы менән берлектә ойоштора. Проект сиктәрендә ҡатын-ҡыҙҙарҙың репродуктив һаулығын һаҡлауға йүнәлтелгән саралар, йәштәр араһында йөклөлөктө өҙөү һаулыҡ өсөн ниндәй хәүеф менән янауы тураһында консультациялар үткәререгә планлаштырыла.

Проектта ҡатнашыуға республиканың 10 ҡала һәм райондарынан 15-тән 40 йәшкә тиклемге 10 мең ҡатын-ҡыҙ йәлеп ителәсәк. Мәктәптәр, урта уҡыу йорттары уҡыусылары, балалар йорттары һәм социаль приюттар тәрбиәләнеүселәре, шулай уҡ ауыр тормош хәлендә ҡалған-ҡатын-ҡыҙҙар араһында аңлатыу эштәре алып барыласаҡ.