Ихлас күңелдән

4 мартта балалар китапханаһында Ватанды һаҡлаусылар көнөн һәм Халыҡ-ара ҡатын-ҡыҙҙар байрамын берләштергән күркәм сара үтте. Был сараға физик мөмкинлектәре сикләнгән балалар ғаиләләре менән саҡырылды.

Балалар һәм үҫмерҙәр ижадын үҫтереү үҙәге уҡытыусыһы Эльвера Туҡаева бар ҡунаҡтарҙы байрамдар менән ихлас йөрәктән тәбрикләп сараны асты, балалар китапханаһы мөдире Гөлсиә Илтенбаева, Көнъяҡ-көнсығыш район-ара «Ғаилә» үҙәге хеҙмәткәре Розалия Татлыбаева ҡыҙыҡлы уйындар уйнатып, бәләкәстәрҙең күңелдәрен күтәрҙе. Балалар үҙ сиратында ата-әсәләренә, яҡындарына бағышлап шиғри бүләктәр ҙә әҙерләгәйне. Осрашыу аҙағында ихлас күңелдән ҡотлауҙар, матур бүләктәр, күстәнәстәр тапшырыу булды. Ҡатнашыусылар ойошторолған байрамдан дәрт-ялҡын, күтәренке кәйефтәр алғандарҙыр, тигән өмөт менән һаубуллаштыҡ.
Г.Илтенбаева, балалар китапханаһы мөдире.