Балаларға попсбие түләүҙә үҙгәрештәр

1 апрелдән 3-тән 7 йәшкә тиклемге балаларға пособие түләү шарттары үҙгәрә. Быйыл пособиеның база күләме итеп төбәктәге йәшәү минимумуның 50 проценты (5038,5 һум) алына. Әгәр ғаиләнең йән башына уртаса килеме төбәктәге региональ йәшәү минимумына етмәһә, түләм 75 процент (7557,75 һум) күләмендә тәғәйенләнә. Әгәр был осраҡта ла ғаиләнең йән башына уртаса килеме төбәктәге региональ йәшәү минимумына етмәһә, түләм 100 процент (10077 һум) күләмендә тәғәйенләнә.

Шулай уҡ хәҙер был түләмгә хоҡуҡты билдәләгәндә күсемле һәм күсемһеҙ мөлкәт булыу-булмауы иҫәпкә алынасаҡ.

Ғаризалар 1 апрелдән дәүләт хеҙмәттәре порталы, МФЦ, халыҡҡа социаль ярҙам күрһәтеү үҙәге филиалдары аша ҡабул ителә. Консультациялар өсөн тел. 8 (347) 200-80-80 (8.30 - 17.30 шәмбе, йәкшәмбе - ял көндәре).