Мең дә бер кәңәш

Теш йыуыу пастаһына бер аҙ аш содаһы һәм 1‑2 тамсы лимон һуты һалып, теште ағартырға мөмкин. Ләкин был алымды аҙнаға 3 тапҡыр ғына ҡулланырға кәрәк, сөнки һары тап менән бергә теш эмаленең бер өлөшө юғалыуы мөмкин. Ҡышын һәм яҙын ҡулдар ҡорой һәм ярғыланып бөтә. Бындай осраҡта иң һәйбәт шифа – бал. Уны таҙа тирегә һөртөргә кәрәк. Тәүҙә үҫемлек майы, унан бал яғаһың. 10‑15 минуттан йылымыс йәшел сәй йәки петрушка төнәтмәһе менән йыуып алырға була.