Тыуған төйәген биш бармағындай белә ул

Хөрмәтле уҙаман, гәзитебеҙҙең күптәнге тоғро дуҫы ҠАСИМ СӘҒИТКИРӘЙ УЛЫ ЯНБАЕВТЫ күркәм ғүмер байрамы - 90 йәшлек юбилейы менән ихлас ҡотлайбыҙ! Ныҡышмал, ҡаратырыш, аныҡ маҡсат-хыялдар ҡуйып йәшәүе менән Ҡасим ағай күптәргә өлгө. Умартасы, тарихсы, экскурсовод, үләндәрҙең телен аңлаусы һ.б. - шулайыраҡ ҡылыҡһырлар ине күптәр отставкалағы майорҙы. 2013 йылда бер төркөм өлкәндәргә Бикбирҙе яҡтарын күрһәтеп, байтаҡ мәғлүмәттәр, легедалар һөйләгәйне. Һуғыш ваҡытында аслыҡтан алып ҡалған ӘТЛЕК үләнен (2-се һүрәт), Гиннестың рекордтар китабына индерерлек ҠАЙЫН ОРОҺОН (КАП) шунда күрҙек...Ветеранға ныҡлы һаулыҡ, ҡыуаныстар тулы бәхетле көндәр теләйбеҙ!Иң изге теләктәр менән - "Ейәнсура таңдары" гәзите редакцияһы.