Арыу-талсығыу, хәлһеҙлек, эшкә һәләтлектең кәмеүе, төшөнкөлөк ... Таныш күренешме?

Был исемлекте тағы ла дауам итергә булыр ине. Күптәр был хәл-тороштоң сәбәбен стрестарҙа, йоҡо туймауҙа, мәшәҡәттәрҙең күп булыуында күрә. Эш башы бөтөнләй башҡа нимәлә икәнен һирәктәр генә аңлай. Был билдәләр организмдың шлактар менән бысраныуы тураһында хәбәр итә. Йәш саҡта организм зарарлы матдәләрҙе үҙе сығарырға һәләтле, ваҡыт үтеү менән был функция йомшара. Шуға күрә организмды һаулыҡҡа зыян килтереүсе токсин һәм шлактарҙан төрлө ысулдар ярҙамында таҙартыу күп сирҙәрҙән аралар һәм ғүмерегеҙҙе оҙайтыр.Матдәләр алмашыныу һәйбәт эшләгәндә зарарлы токсиндар бөйөр һәм бауыр аша организмдан сығарыла, тик системалағы тайпылыштар йәки дөрөҫ туҡланмау процесты боҙа. Зарарлы берләшмәләр аҙыҡ эшкәртеү органдары аша ғына түгел, тире һәм тын алыу ағзалары аша ла үтеп инә. Сәләмәтлеккә зыян килтереүсе сығанаҡтарҙы ла һанап үтәйек: бысраҡ һыу һәм һауа, көнкүреш химияһы һәм ауыл хужалығында ҡулланылған ашламалар, дарыуҙар. Беҙ көн һайын һулаған, эскән зарарлы матдәләр һөйәктәребеҙҙә, ҡан системаһында һәм эске органдарҙа туплана. Ағыулы матдәләрҙең тәьҫиренән тәү сиратта ашҡаҙан-эсәк эшмәкәрлеге зыян күрә, аҙыҡ ҡалдыҡтары тура эсәктә тупланып, серей һәм әсей башлай. Организмдың дөйөм ағыуланыуы хәлһеҙлеккә килтерә. Ҡаҡшаған иммунитет – төрлө сирҙәр баш ҡалҡытыуы өсөн бик уңайлы мөхит. Бөгөн организмды шлак һәм токсиндарҙан таҙартыу буйынса төрлө ысулдар бар. Иң тәьҫирлеһе, әлбиттә, белгестәр менән кәңәшләшеү. Баш ҡалала медицина-консультатив-методик “Организмды таҙартыу һәм сирҙәрҙе иҫкәртеү буйынса үҙәк” эшләй. Проекттың етәксеһе медицина фәндәре докторы, Башҡортостандың атҡаҙанған табибы, нутриоциолог, токсиколог, “Рәсәй профессиональ белем биреү институты”ның өҫтәмә профессиональ белем ойошмаһы директоры Зәкиә Тереғолова үҙәктең эше менән таныштырып, халыҡҡа ниндәй хеҙмәттәр күрһәтеүҙәре хаҡында һөйләне.(Дауамы сайтта)

Добавить в предпочтительные источники Google