Хәүефһеҙ юл - бәхетле ғаилә

Көньяҡ-көнсығыш район-ара «Ғаилә» үҙәге дәүләт бюджет учреждениеһының Ейәнсура районы буйынса ғаилә хеҙмәте психолығы Илшат Алиев Файзулла Солтанов исемендәге мәктәптең 10 а класс уҡыусылары Аида Шәрипова, Гүзәл Хәмиҙуллина, Элиза Усманова, Елизовета Иванова, уларҙың класс етәксеһе Гөлнур Яҡшымбәтова, өлкән вожатый Ғилмизан Мырҙабаева һәм Рәсәй Эске эштәр министрлығының Ейәнсура районының Юл хәрәкәте хәүефһеҙлеге дәүләт инспекцияһы хеҙмәткәрҙәре Вадим Дүшәнбаев, Рәис Ирғәлиев, полиция капитаны Лилиә Ҡыуатова менән берлектә "Хәүефһеҙ юл - бәхетле ғаилә" тип аталған акция үткәрҙе. Профилактик сара барышында Дәүләт автоинспекцияһы хеҙмәткәрҙәре водителдәргә юл ҡағиҙәләре, балаларҙы автомобилдә йөрөтөүҙе, ҡайыш тағылышын тикшерҙе. Водителдәрҙе юлда уяу булырға, йәйәүле балаларға ла иғтибар итергә саҡырҙы.