Пионерия көнө менән!

Бөгөн Пионерия 99 йәшен билдәләй. 1922 йылдың 19 майында ойошторолған балалар һәм үҫмерҙәр өсөн ойошманың маҡсаты – Ватанға һәм Коммунистар партияһына тоғро граждандар тәрбиәләү була.

90-сы йылдарҙа тарҡалған ойошма хәҙер Рәсәйҙә икенсе һулыш кисерә. Ә беҙҙә иһә әүҙем үҫмерҙәрҙе берләштергән был ойошма бер ваҡытта ла бөтөрөлмәне, ул, “Башҡортостан пионерҙары” ойошмаһы булараҡ, балаларҙа илһөйәрлек, тәбиғәткә һаҡсыл ҡараш, ярҙамсыллыҡ кеүек сифаттар тәрбиәләү йүнәлешендә эшләүен дауам итте.

Фотоларҙа - Пионерияның 95 йыллыҡ юбилейы уңайынан үткән слеттан күренештәр.