“Улар кешеләрҙе үлтерә”: Радий Хәбиров легаль булмаған таксистарға ҡаршы көрәш башланы

Бөгөн республика Хөкүмәтендәге сираттағы оператив кәңәшмәлә Башҡортостан Башлығы Радий Хәбиров үткән йомала Кушнаренко районында булған ҡот осҡос аварияға ҡарата фекерен белдерҙе.

Хәбәр итеүебеҙсә, 2 июлдә М-7 “Волга” трассаһында ике еңел һәм ике йөк машиналары ҡатнашлығында булған аварияла алты кеше һәләк булғайны. Улар барыһы ла легаль булмаған такси “Лада Ларгус” автомобилендә булған.

– Улар беҙ “Башавтотранс һәм башҡалар аша биләй алмаған өлкәне биләй. Әммә, шулай булыуға ҡарамаҫтан, улар менән эшләргә кәрәк. Тимәк, туҡтатырға, ҡарарға, тикшерергә һәм башҡалар. Эйе, улар өсөн уңайһыҙлыҡтар тыуҙырасаҡбыҙ. Сөнки улар асылда кешеләрҙе үлтерә, – тип белдерҙе Башҡортостан Башлығы.