Июлдә Башҡортостан халҡын «өҫтәмә» ял көнө көтә

Был көндө мосолмандар Ҡорбан байрамын билдәләй. Байрам шишәмбегә тап килә. Дүшәмбе, 19 июлдә, эш көнө бер сәғәткә ҡыҫҡара. Йыллыҡ түләүле отпуск бирелгәндә Ҡорбан байрамы календарь көн иҫәбенә индерелмәй. Ҡорбан байрамы – Исламда төп байрамдарҙың береһе. Был көндө изге ниәт менән ҡорбан салына һәм уның ите мохтаждарға таратыла. Байрам өс көн дауам итә.