Төтөн ҡайҙан килә?

Ейәнсура районы берҙәм дежур-диспетчер хеҙмәте районда төтөн һәм көйөк еҫе таралыуға бәйле аңлатма бирҙе

Граждандарҙың район территорияһында төтөн һәм көйөк еҫе таралыуға бәйле мөрәжәғәттәренә бәйле, Ейәнсура районы берҙәм дежур-диспетчер хеҙмәте социаль селтәрҙә, был хәл күрше райондарҙа ҙур урман янғындары ҡотороуына бәйле, тип хәбәр итте. Башҡортостан Урман хужалығы министрлығы хәбәр итеүенсә, Әүзән, Бөрйән, Баймаҡ, Хәйбулла урмансылыҡтары территорияларында урман янғындарын һүндереү эштәре бара.

Бынан тыш, республикаға күрше өлкәләрҙә – Силәбе һәм Сведловск өлкәләрендә янғындар буйынса хәл-торош ҡатмарлы. Урман янғындарын техникаһын һүндереү техникаһын файҙаланыуға, һыу алып барыуға ҡаялы участкалар ҡамасаулай, көслө ел, юғары температура янғын таралыуға булышлыҡ итә.