Торатау-бабай вафат булған

Ул шихандарҙы һаҡлаусылар араһында иң өлкәндәрҙең береһе ине

Бөгөн Ишембай районының Урман-Бишҡаҙаҡ ауылынан “Торатау, Йөрәктау һәм Ҡуштау шихандарын һаҡлайыҡ!” ойошмаһын етәкләүсе булараҡ билдәле булған Абдрахман Вәлидовтың вафат булыуы хаҡында билдәле булды, тип хәбәр итте “Пруфы”. Ул үпкәләре 80% зарарланып, Стәрлетамаҡ ковид-госпиталендә ятҡан булған. 76 йәшендә вафат булған ир быға тиклем йөрәге менән проблема булыуына зарланған.

Халыҡта уны Торатау-бабай тип йөрөттөләр, ул Торатауҙағы флешмобтарҙан башлап бөтә шихандарҙы һаҡлау өсөн бөтә көсөн һалды. Торатау-бабай былтыр август айында Ҡуштауҙа көс структураларының халыҡ менән бәрелеше ваҡытында протест символына әүерелде.

Фотола: Абдрахман Вәлидов - һулда