Мең дә бер кәңәш

Миләш сәйе

Аҙ ҡанлылыҡтан 1 -2 балғалаҡ миләште ике стакан ҡайнаған һыуға һалып, сәй итеп эсергә кәрәк. Эстәге ҡом-таш­ты иретә, ҡан әйләне­шен дә яҡшырта.

Тымау тейһә

Бәләкәй генә быяла банкаға ярты­лаш ҡайын бөрөләрен тултырырға ла, быяла тулғансы үҫемлек майы ҡойоп, 7-9 көнгә ҡараңғы урынға ултыртыр­ға. Шул төнәтмәне 1-2 тамсы танауға тамыҙырға. Өйөгөҙҙә бындай төнәтмә гел булһын, эшләүе лә, ҡулланыуы ла еңел.

Тәмәкесегә бер кәңәш

Йылға ҡыҫалаһын киптереп, поро­шок рәүешенә килтерәһең һәм тәмә­кегә ҡушып тартаһың. Шунан һуң тәмәкегә әйләнеп тә ҡарамайһың.

Эс таҙартыу

Бөтәбеҙ ҙә тышҡы яҡтан үҙебеҙҙе тәртипкә килтерәбеҙ, ә бына эске ағзаларҙы онотабыҙ. Уларҙы көн дә иртән йыуырға кәрәклеге иҫтән сыға. Ябай ғына бер ысул: иртән ашарҙан алда бер стакан ҡайнаған йәки йылы һыу эсергә кәрәк. Һыу эстәге май, тоҙ ултырмаларын йыуып төшөрә.

Һеләгәй күп аҡһа

Төкөрөк биҙҙәренең эше боҙолһа, һеләгәй күп аға башлай. Быны бөт­өрөү өсөн бер балғалаҡ лимон һутын бер стакан һалҡын һыуға ҡушып бол­ғатырға. Шуны ауыҙға ҡабып, йы­лынғансы тоторға һәм төкөрөргә. Кө­нөнә 4-5 мәртәбә эшләргә. 2-3 көндән биҙҙәр яҡшы эшләй башлар.

Йөрәкте лә "ашатайыҡ"

Күпме ризыҡ ашайбыҙ, файҙаһы тураһында һөйләйбеҙ. Ә бына йө­рәкте "ашатыу" тураһында белмәйбеҙ. Кипкән гөлйемеште, ҡыҙыл миләш­те, баланды, йөҙөмдө, күрәгәне ике­шәр ҡалаҡ алырға ла, 1 литр ҡайнар һыуҙа бешерергә һәм төнгөлөккә тер­моста ҡалдырырға. Иртәгеһен башҡа эсемлектәр урынына ошо төнәтмәне эсергә. Аҙнаһына бер тапҡыр булһа ла яһап әсегеҙ.

БЫЛ МӘҠӘЛӘ ДӨЙӨМ МӘҒЛҮМӘТ ӨСӨН ТӘҒӘЙЕНЛӘНӘ ҺӘМ МЕДИЦИНА БЕЛГЕСТӘРЕ КӘҢӘШТӘРЕН АЛМАШТЫРА АЛМАЙ.