Артур Нәзиуллин: «Китап-Байрам»ында китап һатып алыу минең өсөн йолаға әүерелде

Фестиваль барған Совет майҙанында Башҡортостандың Дәүләт оркестры директоры, Башҡортостандың халыҡ артисы, кларнетсы Артур Нәзиуллинды осраттыҡ. Маэстро Дантеның «Илаһи комедия" һәм Александр Пушкиндың «Евгений Онегин» китаптарын һатып алды. 

- Бындай күркәм сараның Өфөлә үтеүе ҙур бәхет, - тип һөйләне музыкант. - Мин һәр ваҡыт «Китап-Байрам» йәрминкәһенә йөрөйөм һәм китаптар һатып алам, был инде йолаға әйләнде. Ҡасандыр мин «Онегин»ды яттан белә инем. Хәҙер был үлемһеҙ әҫәрҙе хәтерҙә яңыртырға теләйем.