Кинйәбулат ауылы янында фажиғәле авария теркәлде

Бөгөн Ира–Магнитогорск трассаһының 260-сы саҡрымында – Кинйәбулат ауылы янында фажиғәле авария теркәлде. “Лада Гранта” автомобиле менән “Volvo” йөк машинаһы бәрелешеүе һөҙөмтәһендә ике кеше ауыр йәрәхәттәр алды.

Береһе алған йәрәхәттәрҙән һәләк булды. Билдәле булыуынса, еңел автомобиль водителе атаһы менән Хәйбулланан Өфөгә юлланған булған.

Юл-транспорт ваҡиғаһының сәбәптәре асыҡлана. Юлдарҙа һаҡ булыуығыҙ һорала. Тиҙлек режимын арттырмағыҙ, ҡағиҙәләрҙе теүәл үтәгеҙ!