Республика районында ҡотороу ауырыуы буйынса карантин индерелде

Иглин районында Көҙәй ауылы биләмәһендә сикләү саралары индерелде. Эпизоотик усаҡ Совет урамында шәхси ярҙамсы хужалыҡ биләмәһендә асыҡланған. Бында ауырыу малдарҙы дауалау, территорияға сит кешеләрҙең килеүе, шулай уҡ вакцинацияланмаған хайуандарҙы индереү тыйыла. Карантин барышында малдарға вакцинация үткәреләсәк.

Башҡортостандың ветеринария буйынса дәүләт комитеты сирҙең сәбәптәрен һәм сығанаҡтарын асыҡлай.