Алты йәшлек ҡыҙыҡай ҡустыһын тракторҙа тапатҡан

Ырымбур өлкәһенең Чкалов ҡасабаһында башҡа һыймаҫлыҡ хәл осрағы теркәлгән. Биш йәшлек малайҙы трактор тапатҡан. Ә трактор руле артында уның алты йәшлек апаһы булып сыға. 

Ата-әсәһе саҡ ҡына ваҡытҡа күҙ уңынан сыҡҡан мәлдә, уйнап йөрөгән ҡыҙыҡай ҡарауһыҙ ҡалған "Уралец" тракторын ҡабыҙа һәм яңылыш ҡустыһын тапатҡан. Һөҙөмтәлә биш йәшлек ҡустыһы зыян күргән.  

Әлеге ваҡытта малай төрлө тән йәрәхәттәре менән дауаханала ята. Уға ярҙамға килгән тиҙ ярҙам хеҙмәткәрҙәре был хәл тураһында полиция хеҙмәткәрҙәренә хәбәр иткән. Тикшереү эше бара.

Хөрмәтле водителдәр, һаҡ булығыҙ!

Ошоноң кеүек күңелһеҙ хәлдәр килеп сыҡмаһын өсөн транспортта асҡыстарығыҙҙы ҡалдырып китмәгеҙ. Уяу булығыҙ. 

Сығанаҡ: https://dzen.ru/a/Zqi_iCMaR2Fxe-pF?ysclid=lz8avljpzd118606996