Пособие түләүҙә үҙгәрештәр тураһында хәбәр иттеләр

Һүҙ 3 йәшкә тиклемге балаға әсәлек капиталынан айлыҡ пособие тураһында бара.

2023 йылдың июненән 3 йәшкә тиклемге балаға айлыҡ пособие “Мир” карталарына берҙәм көндә – үткән ай өсөн яңы айҙың 5-се көнөндә йәки почтаға почта бүлесәһенең графигына ярашлы яңы айҙа үткән ай өсөн күсерәләсәк.

“Үҙгәрештәр индерелгәнгә тиклем түләмдәр март өсөн мартта, апрель өсөн апрелдә күсерәләсәк. Май өсөн түләм июндә буласаҡ”, – тип хәбәр иттеләр РФ Соцфондының матбуғат хеҙмәтендә.

Билдәле булыуынса, 2023 йылдың 1 ғинуарынан килемдәре бер кешегә ике йәшәү минимумынан түбән булған ғаиләләр 3 йәшкә тиклемгә теләгән бер балаға әсәлек капиталынан түләмдәр алырға мөмкин. Уға тиклем бындай түләмде 3 йәшкә тиклемге икенсе балаға ғына алырға мөмкин ине.